Eg hugsar som det skulle være i går når eg kjøpte mitt første Prærieblad, nr 14 i 1966. Etter å ha lest om Davy, Tim og Professor Occultis som kjempa både mot indianarar og raudjakkene vart dette ei fast investering kvar veke. Vi syntes det vart ein nedtur når Davy Crockett vart utskifta med Kaptein Mark frå og med nr 33 i 1968.
Men denne serien vart straks ein ny favoritt, handlinga var lagt rundt fortet i Ontariosjøen, og dei tre venene var like mykje til sjøs som på land, fiendane var alt frå raudjakker, indianarar og pirater. Mister Bluff og hunden hans Flok, gjorde stadig livet surt for den radmagre indianarvenen Triste Gufas, men dei var alle tre gode og trufaste medhjelparar for Kaptein Mark.
Præriebladet kom ut første gang i 1957 og gjekk som sjekkhefteformat fram til 1972 (totalt 763 stk) då det frå nr 21 kom ut i A4 format. Nettopp desse blada frå 72-75 har ein ganske bra markedsverdi, og ikkje lett å skaffe. Siste bladet kom ut i 1990. Serien om Davy Crockett gjekk og ei lita stund i Tomahawk og Apache (1979-1980) då i fargar, men slutta like brått som den starta.
I 2001 starta Thule-forlag å gi ut serien på nytt, men det vart berre med ni bøker.
Sjekkheftebladet hadde ofte tilleggsider med t.d trylletriks, bilde av biler, sportsbilder, stjernebilder o.l. mange klippet ut desse sidene, og blada vart øydelagde.
Serien var opprinneleg italiensk, skapt av EsseGesse som også skapte bl.a. Kaptein Miki og Allan Kjempe som gjekk i Vill Vest.
I 1959 hadde både Præriebladet og Vill Vest ei "flysamlerserie i farger" med innlegg i midten, sjå eksempel under.
Vil du vite meir om Præriebladet, så anbefaler eg deg å besøke Torbjørns Tegneserieguide: